Кредит олувчилар сони ошди #shorts, #кредит, #марказийбанк #kunuz #daryouz

5 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 23, 2026

Қарз юки

Ўзбекистонда банкдан қарз олувчиларнинг 29 фоизида биттадан ортиқ кредит мавжуд бўлиб, бир қарз олувчига ўртача 1,7 та кредит тўғри келмоқда. Бу ҳақда Марказий банкнинг 2025 йил учун молиявий оммабоплик бўйича илк ҳисоботида маълум қилинди. Аввалроқ банкдан кредит олган аҳолининг тахминан 27 фоизида икки ёки ундан ортиқ кредити борлиги хабар қилинган бўлиб, янги таҳлилда мазкур кўрсаткич ошгани кузатилди.
Республикада катта ёшли аҳолининг 20 фоизи банкларда амалдаги кредит ҳисобварағига эга бўлса, яна 7 фоиз аҳоли тартибга солинадиган микромолия ташкилотларидан фойдаланади. Тадқиқотда аёллар орасида банк кредит ҳисобварағига эга бўлганлар улуши 19 фоизни ташкил этиши, 2025 йилда ажратилган янги чакана кредитлар ҳажмининг 35 фоизи ва портфель қолдиғининг 38 фоизи аёллар ҳиссасига тўғри келиши қайд этилган. Шунингдек, вояга етган аёлларнинг 86 фоизи банк ҳисобварағига эга экани маълум қилинди.
Аҳолининг жами кредитлари таркибида муаммоли қарзлар улуши 3 фоизни ташкил этади ва буни қоплаш учун банкларда захиралар етарлича шакллантирилган. Кичик ва ўрта тадбиркорлик субъектларининг қарийб 24 фоизи банк ёки микромолия ташкилотида амалдаги кредит ҳисобварағига эга бўлиб, уларга ажратилаётган микрокредитларнинг атиги 5 фоизи тўлиқ онлайн каналлар орқали расмийлаштирилган. Шу билан бирга, июл ойи бошида банкларнинг умумий муаммоли кредитлари миқдори 23 трлн сўмга яқинлашгани ва уларнинг 70 фоиздан ортиғини давлат банклари ажратгани билдирилди.
Регулятор сифатли кредитлаш фақат сонлар билан эмас, балки мижоз эҳтиёжларига мослиги ва ортиқча қарз юкини келтириб чиқармаслиги билан белгиланишини таъкидлади. Молиявий янгиликлардан хабардор бўлиш учун каналимизга обуна бўлинг.